قــــــــــــــأأأأأأأأأأئد ممممممممدح

هذه قصيدة الشاعر// ابراهيم بن ناشب

يالمختلف تكفى توصّل بريدي
وأنا بحدد وجهة القصد تحديد
بلغ تحياتي عبيد الرشيدي
عسى سلامي ما يضايقك يعبيد
ترى المعزه هي سبايب قصيدي
أهدي معاني ما ورى نظمها كيد
أغليك يالقرم الحكيم الرشيدي
بين الرواسي شامخ الراس ياحيد
يابو فهد هل في الشعر من مزيدي
ولا نقول الي كتبناه ونعيد
أبي جديدك يوم تقرى جديدي
قصائدك من عبقر الجن وهبيد
نظمك حديد وفيه بأسا ً شديدي
والي يبا تقوى حباله ثنى القيد
عشرين عاماً كانها ماتزيدي
وعظام ساقي للفرج تقطع البيد
أسعى من أقصى الشام لرض التليدي
مع كل جرهد نقتفي جرّة الصيد
ماشفت ولا صد علم ٍ وكيدي=
رحنا وجينا مانقصنا العباريد
الحظ عيا لايوقف عضيدي
مدري المقدر ماقسم نجلب الفيد
أنا أحسب ان الشعر فاله سعيدي
أثر الشعر يبغى الذي فاله اسعيد
واليوم أنا خذ القناعه رصيدي
مدام ما لنفس والعمر تخليد
واذا اجتمعنا في نهار الوعيدي
الفايز الي وحد الرب توحيد

...........................................
وهذا مردي على الشاعر براهيم بن ناشب

قم يا ند يبي فوق لكزس جديدي
جديد توه باخر الصنع توريد
ابيض ولونه مثل لون الجليدي
كلش طبيعي ولا بالأ سيات تنجيد
أسبق من لى مرسله بألبريدي
بألمختلف ثلاثة أيام وتزيد
مظمونةًعن التلف ماتبيدي
ولا لزق اطابع عليها بتوريد
تاصل لبن ناشب برد النشيدي
الشاعر أبراهيم قرمً وصنديد
فيها السلام وجعل عمره مديدي
لعل باقي ايامكم كلها عيد
معزتك تجري بدم الوريدي
وحسن النوايا كل يوم ً بتجديد
انته زعيم القوم وانت العقيدي
ولك المعاني ياسنافي مقاييد
ولا كل من بدر الصيده يصيدي
الشعر وهبه والمشاعر بها صيد
الشعر وادي وفيه صيدً فريدي
وكلاً على الوادي يحث المواريد
والشعر حبك وسبك وفيه المفيدي
والشعر غيض وفيض من دون تزويد
ان كان تبغا يابن ناشب جديدي
هذا جديدي ياسنافي بتحديد
هذ جوابي وكتب القول بيدي
من فوقها توقيع لشاعر عبيد
وصلوا على المختار خير العبيدي
نبينا الى وحد الرب توحيد
يا منتدانا كا الحديقه جمالك
فيك َ المشاعر فايحه والرياحين
باهي وزاهي ياحلاها خصالك
شعر وْ ثقافه والصحافه عناوين
ياواحدن بين الفرايد لحالك
والناس قالوا ساكنينه سلاطين
ويحق لك اذا تزايد دلالك
في كلّ يومن زايده بك مزايين
كنّه جمال الكون كله صفالك
والشعر في وصفك نقوله دواوين
غالي علينا والهنى في وصالك
نعشق دروبك كلّها والتلاوين
ماهو خساره وقتنا في قبالك
يا منتدانا عندنا بالملايين
جمع معا كل الذوائق مجالك
ماهي غريبه دامنا ناس وافين
ماهو خساره وقتنا في قبالك
يا منتدانا عندنا بالملايين
يالله عسى ربّي يديمه ظِلالك
والختم صلّوا ع النّبيْ يالمصلّين

قصيدة مدح في الشيخ الدكتور نواف بن بداح الفغم

يستاهل التمجيد راع الجزيلات
دليلنا لاضاع فينا الدليله

أبو بداح الفغم وقت الصعيبات
ياقف مواقيف الفخر للقبيله

نسل الرجال اللي تروم الطويلات
واللي يشيلون الحمول الثقيله

أبوه قبله لا أرتكا للثقيلات
يشتالهن والحمل ما أحدن يشيله

أنا أشهدن الطيب ويالمروات
ورثت رجالن كاسبين الجميله

ماوفي بحقك لو كتبت من الابيات
الجزل منها قيل لي ماوفيله

ووالدي يدعون لك فالصلاوات
بالخير والتوفيق فرض ونفيله

قصائد المدح
مانت خاسرني

قصيدة مانت خاسرني

يا صاحبي .. قدّر ظروفي وقدّرني
تِعبْت أجامل .. وصالح كِثْرت ظروفه
والوقت هذا ترى بالهووون يكسرني
لاتحسبنّي بجيك .. أوراق مكشوفه
قدّر عيوني .. وحاسب يوم تذكرني
وشلون عيني على رؤياك مشغوفه
واذكر بعد يوم تغنيني // وتفقرني
وأنا لعينك أصير الشعر .. وحروفه
تدري .. تراني على ماقلت / شاعرني
وأحتاجني للسنين اللي لها حوفه
أذكرك مرّه .. من الذكرى تذكّرني
بأيام كانت معاك .. وتسمح الشوفه
مضمونها قد كتبته .. وأنت تخبرني
بأول تفاصيل [ عمري ] كانك تشوفه
إقرا التفاصيل وإسمعني .. وكرّرني
وإجمع ملامح تفاصيلي .. وسط جوفه
وأنا على سكّة القمرا .. تسامرني
أحلى عناقات حرفٍ .. سبّته / خوفه
والشعر دمر حنيني .. ليه تأسرني ؟!
والشوق يمكن يكون أشياء مألوفه
هذا مصيري عرفته .. لا تفسّرني
وإلا حروفي تراها روح .. مخلوفه
ياصاحبي لا تشتت.. مانت خاسرني
صالح معا النور داااايم تشرق طيوفه

قصائد المدح
"لاجل عينك"

قصيدة "لاجل عينك"

مهداه إلى الخال العزيز ِ عطالله عيسى الحميدات (أبو خالد) مع كل الحب والتقدير

يا راس مال الشعر يا تاج راسه
يا مرهف الإحساس يا سيد الناس
يا من بوصله تستلذ الوناسه
و بطلته كل المخاليق تحتاس
سيطرت ع قلوب الجميع بفراسه
لله درك يا بعد كل جرناس
انت الشجاع اللي سقته الحماسه
صبر ٍتصدى المر كاس ٍ باثر كاس
من طيبتك بحرك تقدّر يباسه
لين استويت وحاصرك كيد الافلاس
و اللي ظمنته باغتك باختلاسه
حتى صديقك ما بقى عنده احساس
خلوك في ليل ٍ تزايد دماسه
ما فيه غير الهم والغم جلاّس
واليوم جاك الخير باجمل لباسه
متبسم ٍ يجزيك من دون مقياس
جالك يبدد عتمتك و التعاسه
ويقول لك لا تامن الناس أجناس
يا خال كم شخص ٍ تنكر لساسه
باع الرفق كنه تربى بلا ساس
وكم واحد ٍ يا خال أهله و ناسه
بيّع جهدهم واشترى خوّة الكاس
من أجل ذا يا خال واس ال تواسه
من دون ما تنسى حياتك و تحتاس
واحذر على قلبك تلين مداسه
حيث القلوب الدافيه مقصد الناس
في هالزمن ضاع الوفى بالنجاسه
من كثر ما عاش بزمنّا من انجاس
هذي حقيقه ما تجي بالدراسه
يلزملها شخص ٍ حكيم ٍ وذو باس
وانت لها والبحر تعرف مقاسه
ما يعجزك يا خال ما دمت غطاس
خذها نصيحه والنصايح حراسه
والحافظ الله عالم بكل دساس
و احسب حساب ليوم فيه انتكاسه
متزهب ٍ من خوف تخذلك الانفاس
حيث المطر لا طال عنك انحباسه
ما ينفعك بالقيض( معطي وعباس)
واعلم ترى هالوقت صعبٍ مراسه
يحتار به من قسوته كل فرّاس
وقت ٍ عليم الله زاد التباسه
ما فيه شي يبسطك من ورى الياس
والله لولى لطف ربّي بناسه
كان الأوادم كلها تجرع الكاس
شفني انا رغم الفتى والفراسه
مهدود حيلي من ورى كل هوجاس
اضحك وانا اللي قلبه الصد داسه
وبداخلي جرح ٍ تزايد من الناس
أعطيت قلبي للبشر و بسلاسه
لين انتهيت بقسوة تحرق الراس
ناس لمصالحها تجيك بحماسه
وتصد عنك لامتلت كل الاكياس
ايقنت من لا يجني الغيث فاسه
ما ينفعه يرقب يجيله بنسناس
يا خال ياللي ذوّق الكل كاسه
لك حق عندي جيت ارده بالاحساس
جتك القصيده لاجل عينك وناسه
من شاعر ٍ يكتب على كل قرطاس
لك صغتها والشوق طال انغماسه
في داخلي يا خال يا اغلى من الماس
والطيب يجزى طيب يا تاج راسه
وما ينكر المعروف يا غير الانجاس

قصيدة العدوان

عشاير بالفكر صالت وجالت وانبتت ثوار
......ربوع الطيب منبتهم كرمهم من كرم عثمان

نمرهم من قبل فارس اصيل وللعدا مغوار
......رجال وريحهم عنبر تراهم للكرم عنوان

مضاربهم ترد الروح ريحان وبُعدهم نار
......شيوخ وصيتهم عالي اهل همَّه بني عدوان

تجدهم للوطن هبَّة نشامى وكلًّهُم نُوَّار
......صقورٍ بالسما تفرح وتفرد للوطن جنحان

قبيلة نمر ريح البن تِعَطَّر بالمسك وبهار
......تلاقي الضيف لن اقبل دواخل قلبهم فرحان

ربع صالح اهل شومه نبعهم بالكرم هدَّار
......اهل الشونه يا محلا نسايم شفَّة الفنجان

ومنها الكايد غور وشفا سيفٍ عالعدا بتَّار
......شهامه وجود منبتهم ومرباهم اهل ضيفان

قروم الرجال هيبتهم يعيش اللي لفاهم جار
......ترى بالعز ملقاهم وانا اشهد يا بني عدوان

قصيدة يـرزقك ربـي وقـت تـحتاج .... للناس

بين اختلاف الوقت .. والناس // مقياس
يحسب لنا هالوقت وش احجياته
من عاش عمره للعطا .. عطر ولباس
يعيش للعليا .. ولو زل // جاته
[ يرزقك ربي وقت تحتاج .... للناس
شخصٍ أمين // وطيبته من صفاته ]
[ واحد ] على غير البشر .. يملك أنفاس
تكفي وطن يحيا بها .. في حياته
[ واحد ] يمدّك بالوفا .. والأمل .. كاس
تعرف بعد لقياه .. وشهي سواته
يشهد عليّ الله .. مامثله اجناس
مامرّني مثله .. ووصّى .. وصاته
شاعر ولا هو مثلنا / شاعر ألماس
شاعر فعايل والفعايل .. خواته
ياوجد روحي لو يجي الراس بالراس
والله لصير من الجنون امنياته
إليا طرالي بين مركى ومجلاس
يسعد خيالي وأنتشي من حلاته
ياحي فعله .. طيّب العرق والساس
ما اظن يكفيه الشعر / في غلاته
أصل الفخر نبع العطا كل الإحساس
من لآ يعزّه جعلي أسمع وفاته