صارحينـي (١
صارحيني منهو أنا بدنيتك
منهو أنا بدنيتك....
جاوبيني إن كنت فعلاً منيتك....
إن كنت فعلاً منيتك....
ما كنت أرضى تزعلين.... وإنتي بتهدين الزعل....
ما أطيق عني تبعدين في
قربي حسيت بملل....
محرومة عيني شوفتك لا
تحرميني كلمتك....
حتى الصراحة بيننا صارت
صعيبة بدربنا....
وإن كان ودّك تبعدين صعبة
أنا أنسى حبنا....
ما يعني هذا ترجعين في دنيتي بألقى الهنا....
كلمات : ( رياض إبراهيم )
ألحـان : ( خالد عبد الرحمن )
صدّقينـي (٢
صدقيني قلبي يحكي لك حقيقة....
صدقيني ما أرى غيرك ملاك....
من أجل وصلك باتخذ أيّة طريقة....
ما أبالي لو طريقي لك هلاك....
بعدك ولا غيابك على نفسي ما أطيقه....
كيف أجاهد روح....
تشقى من غلاك
شرع الخطا يا زين عم الخليقة....
وإن هفا شوقي معك أبغى رضاك....
يا زمان اللوم أحرق لي وثيقة....
طيها دستور بظلمه وطاك
منهو فينا....
أو في البشر ما نشف ريقه....
كم قيل عنهم الشقي هذا وذاك....
الشك من طبعك وباحساسك رقيقه....
مقبولة عندي ولو هذا عطاك....
روحي تنادي لك بصرخة غريقه....
يوم أغرقها ليش عيني ما تراك....
كلمات : ( مخاوي الليل )
ألحـان : ( خالد عبد الرحمن )
بلا ميعـاد (٣
فجــأة طلبتنـي لـهـا بـلا ميـعـــــاد....
طول إنـتـظاري علّ حالي بسببهـــا....
لبّيت وجيـت قبالهـا شفتـهـا تـــزداد....
روعـــة بصـورة حسـن ربـي رسمهـــا....
عينـي أنـا بعينـهـا والقـلـوب أبـعـاد....
أخشى هدب عينـي يلامـس هدبهـــا....
ما أقوى الحكي حينها والقلب ما أعتاد....
عـلـى لقى اللي حبّـها مـن عرفهـــا....
نظرة سواد عيونها هـذا المنى والمـــراد....
لهفـة شفــايف طـوّلت فـي عـناقهـــا....
كلمات : ( مخاوي الليل )
ألحـان : ( خالد عبدالرحمن )
خذ ما تبـي (٤
خذ ما تبي بـس أتـرك القلـب يرتــاح....
لا بالمودة عطيتــه لا بالصراحــة خذيتــــه....
فـي غايتـــك تغتــار منـــــك الأرواح....
صدقي خيانـة جزيتـه يا كم بغيري نويتــه....
كافـي علي أصبحت بالسهــد فضّــــــاح....
غصبٍ عليّ حكيتـه بكاني حظـي وبكيتـــه....
قل لي متى ترسـم على قلبـي جــــراح....
منك الصبر ما قويتـه أفقدتنـي ما أحتويته....
أملكت كلّ قلب الوفـي ومعك مفـتــــاح....
عقب الندم وش رأيته عن حب غيرك عميته....
من علّمــك ترمـي بقيعــان الأرمــــاح....
باب القتل نويتـه عمري بكفـن حي طويتـه....
جـذعٍ ذوى عطشـان لـو ترفـعــه طــاح....
تتعب معه لو ركيته ما هو بحي لو سقيتـه....
لا تنتظـر رجعــه ولا تطـري أصـفــاح....
ما أقول حبك وطيتـه ما أقول حبك نسيتـه....
أبعـــد عسـى في دربـك اليـوم ترتــاح....
أنت الذي أحتويته لا .. بالغصيبه مشيتــه....
كلمات : ( مخاوي الليل )
ألحـان : ( خالد عبدالرحمن )
لأجـل حبـك (٥
رجعنـا بعد ما كنت .. بعيد .. وإنتي بعيده....
وأنا يا منيتي آمنت .. فراقك .. قلبي ما يطيقه
قويتي الصبر في فرقاي .. وأنا في غيبتك ما أقــواه
نسيتـي يوم كنتِ معاي .. والنسيان بك أتـحداه
هل هو شعورك يالغريب .. أو أنا ماني لك حبيب
... ... ... ... ... ...
ثلاث سنين بنا مرّت .. ولا كنّـا نحـسّ بـخــوف
عيوني منّي تبـرّت .. قليل النوم فقـدها الشوف
لأجل حبّـك قويت أسهر .. إلى حتى طلوع الشمس
وهذا لعينـي مقدّر .. يمر اليوم مثل الأمس
مدري متى شمسك تغيب .. مدري جرحي يطيب
كلمات : ( مخاوي الليل )
ألحـان : ( خالد عبدالرحمن )
بقـايـا جــروح (٦
خذني بقـايا جــروح .. أرجـوك داوينـي
لا تـروح الـروح
كفا عذابي منـك .. ليـه تسقينـي
ما فـوق جرحي جرح .. وجروحي تاوينـي
وصبري فقدته بجرح
الموت له حـروه .. خوفي يمسينـي
يا خلّ يا مرتاح .. ليتك تواسيني
لا تنوي المرواح
ملامحي جـروح .. وش منك يشفينـي
ما بيـن عصف وريح .. الهـمّ طاوينـي
وانت لاهي مـريح
أبيك لعمري يوم .. بالوجد تعطينـي
كلمات : ( مخاوي الليل )
ألحـان : ( خالد عبد الرحمن )
ضــويـتـي (٧
ضويتـي بخاطـري شمعـــــة نسيـت إني بوسط النــــاس
عيونــك هلـت الدمعـــــــة دلايــل رهفــــة الإحســــاس
صمتـك حديــث عيـونــــك همــس الحـكــي بشفـاتــــك
شفـت الحيـا مـــن دونـــــك مخلـــــوق فـــي همسـاتــك
عينـي على مــا تنـظـــــره ومنك اشغلتنـي نظـرتــــك
شوقــي تــرى ما أقــــــدره ساقـنـي فـي طـاعــتـــــــك
وقـتٍ مضـــى لا يهـمــــــك انتـهــى مـــع ناســــــــــه
واللـي جذبنــــي يـمّــــــك يصعــب علــي قيـاســــــــه
تذكّــري بكـرة وبـعــــــــــد للقـــا وش نـنـتـــظـــــــــر
نـنـتـظـــر حلــو الـوعــــــد وبسعــــادة نـسـتـمـــــــــر
كلمات : ( مخاوي الليل )
ألحـان : ( خالد عبد الرحمن )
يا لايمتنـي (٨
يا لا يمتنـي ما بقى لـي شفاعـــــة....
ســـاد الشكـل وتغـيرت كـل الأوضــاع....
ما عاد لك مني ولا حــرف طاعـــــة....
خـــل الفراق اللي على الوصل قطّــاع....
في طيّ لحـظات افترقنـا بساعـــــــه....
مانـــي على فرقـاكِ يا بنـت جــــزّاع....
ما يمنعـك خافق يعـرف المنـاعـــــه....
لـو أن الهـوى في خاطري حمل ووضاع....
أغواكِ من هـو ساعيٍ بالقـطاعـــــه.... وشلــون تفكيـرك علـى الـذم ينصـاع....
بعتيـه للهرجـات وأهل الإشـاعــــة....
لولا بنـي جنسك على الغيـرة جيــاع....
للصدق في نفسي بحفظــه وداعـــــه....
وللفـكــر بخصـال المـوازيـــن جمّـــــاع....
أقدّم جميـل العـطايا باستـطاعـــــه....
قدمّت ما عندي ومنـك العطا ضـــاع....
كلمات مخاوي الليل )
ألحـان خالد عبد الرحمن )
لا تنـاجــي (٩
لا لا تنــاجــي كـفـــاك نـضـــــال دع لي غرامي وجـد لـك أمـــــل
لا لـم أراك يومـاً حفـظت الوصـــال....
إدفـع ثمن هزلك بهـذا الجهــــل....
إجعـل من الماضـي ذكــرى تقــــال....
وأعرض عن الحاضر كفـاك جـــدل....
أنا لست أحيي مالاً بـذاك الجمــال....
ذهب الجمــال منـك أم لا يـــزل....
أسألك يوم غـدري أجبنـي السـؤال....
أم للغرام شـرعـك حـب الهـــزَل....
لك تجدنـي قريبــاً بعيـــد المنـــال....
قلبـي بهيمانه وضع ما حـمـــل
أنصحك لا تعايش ذميـم الخـصـــال....
تغـدو إلى دنيـا تعـانـي الفشـــل....
ضع للغـرام قـدراً كفـاك
إحتيـال....
وأعدل بحق غيرك كما لك عــــدَل....
كلمات : ( مخاوي الليل )
ألحـان : ( خالد عبد الرحمن )
تروّعـنــي (١٠
تـروّعـنـي لـواحــظ هالجميـلـــــة....
إلا سـلـهــم ولي بالعـيـن سلّـــــم....
يغض الطرف عن غيري وأجـي لـــه....
وأسولــف لـه وأعــاتـب وأتكـلـــــم....
صدوق الـودّ لـعيــونــه نـشيـلــــه....
عـلـى كفـي خفـوقـي لـــه مـقــدّم....
أعـرف الزّيـن وعـيـونـي تـخيلــــه....
عسى عذب اللي ما يعـطـف ويرحم....
على هـاك النحـر شـوف الجديـلـــة....
يـزمّ شفــاه مـوقـــه ويتـبـسّـــــم....
عديل الـروح روحـي لـه عـديـلــــة....
عـلـى صـوتــــه وجــدي تِرنّــــــم....
كلمات : ( خالد المجاهد )
ألحـان : ( خالد عبد الرحمن )
طرّف جفن عيني (١١
طرّف جفـن عينـي لمكحــــولـة العيـــن.... عينـي مضــت فينـي من الشوق ما كـان
خيــط الولــع خلاّني أتبـعـك يا زيـــن....
خيـطٍ جــذب فـي خاطـري حـرّ وجـــدان....
راح الفكــر ينـظـم مـن الشعــر بيتيـن....
شاقــه بنظــم الشعــر مرسـوم الأعـيــان....
شفت الحلـى فيــها يوصــف بوصفـيـن....
وصـف الحسـن ووصـفٍ يبيّـن لـهـا شــان....
يا ظالمــة غضّـي مـن الـطّــرف تكـفيــن....
لا تـودعـيـن النفـــس لبيــض الأكـفــــان....
يـا ماخــذه بـلا عــطا للـبـعــــد ويـــن....
تونــي معـــك شفــق مـا ذقـت سِلـــوان....
اللـه وأكبـر ليـتـنــي معـك وقـتـيـــن....
وقتٍ تعيـش النفـس بــك حلـو الأزمـــان....
وقـتٍ نهــاره ليــل والعـيــن بالعيـــن....
أسهـر ونومـي ما يعــارض لـي أجفــــان....
أسهـر بليلـي والقمـر وجهــك الـزيــن....
مِنور حـلــو يكســف حيـاء غـادي ألـــوان....
فينـي من الوجـدان والشــوق حمليــن....
عسـى خفوقـي يشمـلــه منـك الإحســان....
كلمات : ( مخاوي الليل )
ألحـان : ( خالد عبد الرحمن )
دق البخت (١٢
دق البخت بابي .. من عقب طول غياب .. الزيـن وافاني
حمّلته عتابي .. ومهما افترقنا أحباب .. أهواه ويهواني
أدمعت عينه .. وأدمعت عيني..
كفانا من زود الفرح هلة دموع ..
عمري إبتدا لي اليوم .. ما للي فات حساب .. من عقب ما جاني....
وقلت كل اللـوم .. فـي كلمتين عتاب .. بالطيب يلقاني
أدمعت عينه .. وأدمعت عيني..
كفانا من زود الفرح هلة دموع ..
حبيبي وأدري به .. والظن به ما خـاب .. عـوّد علي عانـي
قدّر لي الطيبة .. وطاب الهوى له طاب .. في مرتع أحضاني
أدمعت عينه .. وأدمعت عيني..
كفانا من زود الفرح هلة دموع ..
كلمات : ( مخاوي الليل )
ألحـان : ( مساعد العيسى )
الله أقوى (١٣
اللـه أقوى ليـن خانتنـي الظــروف ماهقيـت الليـل ما يوفـي الوعـــد
ماتت الفرحــة وأنا بعينـي أشـوف حـارت أقــداري وقلبـي فـي جلـــد
لي وأنا فـي ظـلمـة الليــل وقــوف القمـــر شاهـد ولا غيــره أحــــــد
وقتنـا قاسـي وفينــا مــا يـــرووف تسـألــه عينـي وعينــه مــا تـــرد
لهفتـه لي مثل قلـبي لـه شغـــوف لـه عنيت وأوفيـت أنا لـه بالوعـــد
سلهمة عينـي بهـا رجـوى وخـوف ليلنــا جـانـا بعـكــس اللـي نـــود
منــوة الـظـامي منهــا الرشــوف يـا بخت من شافــه ووافـاه السعــد
يا سـراب ولو مسكـتــك بالكـفــوف لو شربت أظما وهي تظمـا بعــــد
.. ماهقيت الليل ما يوفي الوعد ..
كلمات : ( خالد المجاهد )
ألحـان : ( خالد عبدالرحمن )
افــراق (١٤
افراق .. افراق .. على حروة افراق .. ليلي ونهاري .. ما ينطاق
وش بيدي .. ما دام هذا اختيارك .. فوق خدي .. دمعة تقبل اعتذارك
خنت عهدي .. ورديت لك اعتبارك .. قسوة ضدي .. يا راميتني بنارك
أخشى أكره .. والقلب يرفض عـطـاه .. دمعة تشره .. كيف حبيبي لا قسى
طول عمره .. ما حس بقلبي وعصى .. صان قدره .. ولا مرة شكـى
ما أطلبك .. ليه ترديـن .. مالك غلا يا مرخصتنـي
دنيا تتوه بها العناوين .. بدال ما نتي حضنتنـي
لكني بأقول لك .. مني أنا .. أشرهت عليك دمعـة
افراق .
كلمات : ( مخاوي الليل )
ألحـان : ( خالد عبد الرحمن )
فـكـري وروحــي (١٥
فـكـري وروحــي يـمّـــــك قريـبـــــــه....
ما تبتعــد عنّـك ولـو صـرت أنا بعيــد....
أشـواقـي لا زادت ما هــــي غريـبـــــة....
فرضٍ إلا غبتـي أشــواقـي تـزيـــــــد....
الوقــت ما هـو شـيء بـدون شـوفــك.... وأدري أن حبـي حـي فـي وسط جوفـك....
يكفـي إنــك تحــس بعذابـي وشكــواي.... راضـي بحبــك لـو هـو همـي وبلـــواي....
عـنــدي أمـــل بنلتـقـي يـا حـبيبـــة....
صدفــــة بتـجـمعنـا بليّـــا مواعيـــــد....
قلبـي معــك لا شـك بياخــذ نصيبـــة....
لقيا برضى الخاطر عسـى أيامنـا عيـــد....
أنسـى الألـم وانتـي تنسيــن خـوفــك....
قـدرك لي ما هو شـوي والله ما أعوفـك....
أنتي السعادة لي وانتي سبب شكـواي....
وأنتـي فــرح ودمــوع ورسمـات دنيـاي....
كلمات : ( رياض إبراهيم )
ألحـان : ( خالد عبد الرحمن )
لـي متــى (١٦
لي متـى قلبي أسيــرك....
لي متى عيني تهـــلّ
لي متـى أبكي هجيـرك
وأنت يمي لك محــــل
أرتعــش اللــه يجـيـــرك
قلبـي اللي ما يمــــلّ
قلبـي اللي ما يمــلّ
يشتكي قسـوة ضميـرك....
كيف تخدعني وتحــــل
ما عطيت الـحب غيــرك
وأنت تجرح ما تمــــلّ
لا تقول لي ما أبي غيرك
الكـذب مـا يكتمــــل
الكـذب مـا يكتمــل
عــاذلٍ مـوّت ضمـيــرك
مبعدٍ عنــه الخجـــــل
ما لـه إلاّ فـي عشـيـــرك
طعن وسيوفٍ تســـــلّ
وأنت راضي به يسيــرك
كيف دربك ما يـــــزلّ
كيف دربك ما يـــزلّ
يا حسـافـه طـار طيــرك
مدمـيٍ جرحـه يهــــلّ
وانطفـى نجـمٍ ينيـــرك
وأنا أبي حـلّ للأجــــل
كثّـر اللـه ألــف خيـرك
تهـدي المـوت بعجــــل
تهـدي المـوت بعجـــل
كلمات : ( الأثير )
ألحـان : ( عاشق )
تقـوى الهجــــــر (١٧
تقوى الهجـر .. وش لي بقى عندك .. تدوّر لي عذر .. لا تعتـذر
تقوى الهجـر .. ما نجبـره .. من عافنا ما ينجبـر .. لا تعتـذر
زاح الصبر .. لا لا تعنّى لي وتمـرّ .. وتبغى الصبر .. ويـــن الصبر
جرحي عميق .. والقلب في دمّـه غريـق
وتبغى الصبر .. ويلاه من وين الصبر .. مهما تقول لا تعتـذر
مهما تقــول .. من الأغاني والجمل .. ما يحتمل .. قلبي فدية جبر الألم
يمشي معك درب الندم .. ما يحتـمــل
يكفي عليه .. منك احتمل كذب وغـدر .. حبك سراب .. ضيعت وقتي أتبعـه
وسط الضبـاب .. وصوتك ينادي اسمعـه .. صرت أتبعه ..
واليوم في صحراء الظما .. ترمي فؤادي وتحرقـه .. ترجع تقـول ..
أبعتـذر .. ليــــه العــذر
دام الهوى .. ما له على قولك عذر .. والجرح يا جرحي يداويه الصبر ..
ليـــه العــذر ؟؟
الله كريم .. الله عليم .. هو عالمٍ بالحال .. ولا يمكن يظيم
عزاه لك .. يا قلب يا أحلى نديم .. عزّتي .. للحب لو يصبح يتيم
حبك يتيم .. وكلك ندم .. حبك يتيم
وين الندم بين السطور .. أمر العدم ماله ظهور ..
ترى هذا غـــرور .. هذا غـــرور
تمشي بطريق .. وأنا بطريق .. اللي يوديني لبعيـــــــــــد
عنّك يا أول رفيق .. البعد يعفيني المزيـــــــــــــــد
وين الوفى والتضحية .. وينك رفيق ..
وين الوفى والتضحية .. وينك رفيق ..
وبتجمع أوراق السنين
لا تنسى تجمع جروحي .. ودمعي .. وآهـاتي معــك
وقلبي بعد ما قتلته .. يا رفيقي .. ما عاد يقدر يمنعك
كل الأمر .. عاد بيديك ..
يا خلّ يا هـــاجــر ..
ما عندك عــذر
كلمات : ( الأمل المجروح )
ألحـان : ( خالد عبد الرحمن )
لـك خـافـقــي (١٨
ليتك لعينـي قريبـه .. كان أبسهر ونومي لـجفني حــرام
عمري عطا وأسخي به .. ما يضيع العمر دام له مثلك غرام
أنتظر متى على الفرحـة تجين .. ودنيتـي فـي ناظري بقربك تزيـن
طرفي اشتكى لي شوق .. بالله وش أسوي به
ما بقى من هالعمر كثر اللي راح .. وشوفتك يا شـوق تبـري الجـراح
عشت لك من غيـر إحساسي ما أقول
وبأنتظر لو غيابك لي يطـــول
ردي على الولهان .. لا يهون بك تعذيبه
كلمات : ( مخاوي الليل )
ألحـان : ( مساعد العيسى )
يا شــــوق (١٩
ماني على فرقـاك يا شــــوق نـــاوي
ميـر الزّمـن له وقفـةٍ بيـن الأحبــاب
يشـهد على ما أقـول قـلبٍ شقــاوي دمـعٍ نثرتــه بـان من بين الأهــداب
كانـك على ذبـح الوفى فينـي قـاوي تـذبـح خـفـوق اللي يحبـك ولا تـــاب
واللي بقـى مـن وقتنــا مـا يســاوي لحظــة نعانيـها مـن البعــد أغــراب
لا يا نجــوم الليـــل ماني بهـــــاوي فرقـى منـاة الروح ولو طالت أسباب
يا ناصحـيـن القلـب ما لــه مـــداوي غيـر الحبيــب اللي لـه القلب طـلاّب
كلمات : ( فهد بن خالد )
ألحـان : ( خالد عبدالرحمن )
حـقـيــقـــة (٢٠
حقيقــة فعــلك ما يـطــاق ومن يستحق فينـا العتـب
وإن كـان تنـويـن الفــــراق
سهلـــة عليـك بلا سـبــب
قـلـيــل أحــسّ بطيبـتــك
كـثـيـر مـنـك الـلـــــــوم
لا تتـعبـيـنـي وش بقـــى
بارضــى الشقــــا لـي دوم
ما بـيـنـنـــا دار الزعّــــل
باظلمـك فـي كـل الخــــطا
والجـد أبقــى مـن الهـــزل
والتضحيــة أصـل العــــطا
وشلـون أبمـشـي بطاعتــك
وانتــي علـيّ تـقـســيـــن
إخــذي القــرار براحـتـــك
ما اسـألـك زيـن أو شـيــن
مـن كـثـر خـوفـي والألــم
مـا عاد أحـس بأي خـــوف
سرت الخـطا بليل الـظَّـلَـم عرفت حـالك سمع وشـوف
إن كـان لي حــقٍّ .. أبـيــه وإن كـان ما لي أنـسـحــب
واللـي تـبـيـنـه ادفعـيـــه
قلبـك يبـي منهو يــحــب
كلمات : ( مخاوي الليل )
ألحـان : ( خالد عبد الرحمن )
أهلاً هلا بك (٢١
أهلاً هلا بك .. يا بعــد كـل مـن لي يا أغلـى مـن الغالـيـن يا روح روحـي
يفـزّ لـك قلبـي .. وأرحّـب وأهـلّـي تـطـيــب لـي قربــك جميع الجــروحِ
لك طلعـةٍ مثل القمــر يـوم هلّــي خــلاّ ســواد الليـــل نـــورٍ يـلـــــوحِ
يمّــك دعانـي زايـد الشــــوق كلّـي جيتــك وأنـا قـلبــي بحبـــك يبـــوحِ
تعال نحكي عـن مشاعـرك قـل لــي واحكي لك همـومي وجرحي ونوحي
هــاج الغـرام وتـلّــه الــود تــلِّ قـلــبٍ قبـل عرفـــك حيـاتـه مـــزوحِ
كلمات : ( سعود بن عبد الله )
ألحـان : ( خالد عبد الرحمن )
انتظرتـــه ( ٢٢ )
انتظـرتــه وقلبـي احساسـه يقــول صـوت خلي اليوم ما أظن أسمعــه
الخبـر عنـدي وغـيـبـتـه بتـطـــول وقتـي مـن اليـوم حسابه باجمعــه
ضـاق بـي صدري وأدوّر لـه حـلـول فـي ضميـري نـار شوقـي مولعــه
عشـت فـي دنيـا أدور بهـا وأجــول عشت فيها بضيـق وعايشت السعـة
ما لقيـت اللي علـى دربي صمـول كـود بعـض النـاس وقتــه يمنعـــه
روضتـي جفّـت وأنـا خلـي سيــول مبعـــدٍ عنـي وقلبــي يـتـبـعــــه
طبعها اللي يوصف بالطبع الخجول بيــن كــل النــاس عنـدي أرفعـــه
الغـريـب اللي أسـولـف لـه وأقـول عن هـوى نفسـي كلامـي أقـنـعـــه
ما يـلام اللـي مثـل حالــي يـنـول لـو قضـى دينــه يســاهر مدمعــه
لي على الغـالي وشوفـاتـه ميــول مـن زود شوقـي لغرامـي أصنعــه
لـو حصـل لي شوفتـه همي يـزول وقتهـا أنسـى البشر وأجلـس معــه
أذكـر إني بغـيـبـتـه دايـم أقـــول هـو حيـاة القلـب هـو لـه مطمعــه
فرحتـي يـا خالـد بيــوم الوصــول بافـرح لـقـلـبـي بهــــمٍّ ودّعــــــه
كلمات : ( رياض إبراهيم )
ألحـان : ( خالد عبد الرحمن )
من دلّـعـــك (٢٣ )
من دلّعـك .. خـلاّك تـخـتــال عـزّ الـلــــه إنـه بدلالـه متّعــــك
من صـوّرك .. سبحانـه اختـار بالـزين أحلاهـا صــورة شرّعـــك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
وقتي معك .. نظرة وترحـال صدفة تبيّن لي مشارف مطلعك
ما أروعـك .. يا ملفـت أنظـار خليت كلالخلـق خلفـك تتبعـك
منك اغتذى الشوف .. وأنا اغتذت روحي
دونك بحر خوف .. وسلاحي جروحي
ليتـه معـك .. وقت اللقا طـال شفّيتهـا نفسـي قبـل ما أودّعــك
من يمنعــك .. تمشي وتختــال ولا تـرى بالخـلـق منهـو يمنعــك
كلمات : ( مخاوي الليل )
ألحـان : ( خالد عبد الرحمن )
لو بكيـــت ( ٢٤ )
لـو بكيـت دمـوع عينـي ما تفيد وإن شكيت الشكوى ما فيها مســد
كل يـوم يذوب فـي قلبـي وريــد أتصبّـر مـيــر ما عـنـــدي جـلــــد
نار شوقـي لك يذوب لـهـا الحديد وانتثـر دمعـي علـى خـدي بـــدد
دايمٍ يا شـوق شوقـي لك جديــد وإن سألـت العيـن لـك فيهـا مــرد
دمعتـي تنبيـك عـن حـبٍ أكيـد غيرهـا يــا روح روحـي وش بـعـــد
كان قلبـي قبـل عرفي لك عنيــد مـا يـحـن ولا رمـى غـيـرك لأحــــد
ليـن طـوّعـتـه بحبــك يا وحيـــد والمـحـب يطيـع محبوبـه وحـســب
يا حبيبـي غير شوفك لا ما اريــد دوك طـرفـي طايـر فيـه السّـهــــد
يا حبيبـي فيـك يا حلو القصيــد لو كتبـت الشعـر فـي غيرك شــرد
أتـغـنّى فيـك بأشــواقي نشيــد بأصدق اللي قيل مـن بنـت لولــد
كلمات : ( غيوض )
ألحـان : ( سمير مبروك )
حــروف الحـــب (٢٥ )
أكتب حـروف الحـب حبـسٍ برجليـك قيـدٍ يقيــــد خـطــوتـك لا تــــروحِ
إقعد معاي وإن رحت خذني مخاويـك آن لا تـروح إن كــان قفيـت روحــي
ريّـظ خــطا رجـلـك شـوي لـغـالـيــك خـلـه عـليـك بسـرّ حـبــه يـبـــوحِ
يا واحدٍ مـالك شبيـه لـك بـحــاليــك يبـسٍ بحبـك من ظمـاهـا شـحـــوحِ
أغليـك واللي كـوّن الكـون أنا أغليــك حب الغلا ماهـو بمثل حب المــزوحِ
يا غاليٍ دمعـات عــيـنـي تنـاجـيــك هـدايـرٍ مـن فـوق خــدي تـفــــوحِ
حتى وأنا فـي غـفـوة النـوم أناديــك وطيفــك عـلـى شاشة خيالي يلـوحِ
إرجـع عـلـي وضمنـي بيـن أيـاديــك ضمة غلا تحـيـي بهـا بيـت روحـي
كلمات : ( غيوض )
ألحـان : ( سمير مبروك )
يا حبنيـلك ( ٢٦ )
يـا حبّنيـلك دون كــل المخـاليــق ياللي تسـاوي كل شيء بحياتــي
لا شفت زولك ينجلي عني الضيق وإن غبت عن عيني تزيد عبراتـي
دايم عيـونـي من فراقك غواريـق وطلعتك ترسم بسمتي في شفاتي
الـحـب مفتـاح القفـول المغاليــق وحبك دواي وفرحتـي يا غناتــي
أغـليك وإن لي بلشه فيك بالريــق يا منوتـي دايم محقــق مناتــي
غـلاك ساقـه رامعي في المعـاليـق ولـولاه عينـي ما تعدت وطاتــي
كلمات : ( غيوض )
ألحـان : ( سمير مبروك )
ويـن انـــت (٢٧ )
وين انت قبل اللي مضى سنينـي يـا مسعـدٍ باقـي حـيـاتـي بـالأفــراح
ما قـول قبلك في حيـاتي ضنينـي ولا نيب مع غيرك من الناس مرتــاح
حتى فرحـك ارهب شقاي الدفيـنِ ومنـك السعادة بدّدت هـاك الأشبـاح
يـا غـالــيٍ قـرة بـلامـاك عـيـنــي حبـي وحبــك مـن سبب ربط الأرواح
كـأس الـهـنـا تو أقضبنّـه ايدينــي وأروى ظـمـأ وقـتـي هذاك الـذي راح
واللـــه مـا لك فـي حيـاتي وزيــنِ برق الفرح قبـلك على العيـن مــا لاح
كلمات : ( غيوض )
ألحـان : ( خالد عبدالرحمن )
مــــوادع (٢٨
موادع وكل خلٍّ جاك .. بيـجـيـه وقت ويـوادع
موادع وكـم خلٍّ قال .. بعد فرقاه راجـع .. مـوادع
أعــدّ الوقـت بحسابـي ليالـــي وأشـوف حساب غيري له ثواني
غريب الوقـت فـي طبعه يعاند أبــي أطـويـه ولكنــه طوانــي
حبيبـي فـارق عيونـي ولاجـــه تقلّب صـورتـه فينـي مــواجع
غريـب الوقـت يا ليتـه يــطاوع يمـر يمكن يجـي منهو مــوادع
دموعـي تطلـب عيوني نهايـة وجرحـي ينزف المعنى قصايــد
موادع صـارت بعمـري حكايــة وعمـري ماخـذ أحزاني عوايــد
حبيبـي يقبــل وقلبـي يهلّـي يمـد إيـديـه يطلبنـي أجـي لـه
وإلا منّي جيتـه ودمعي يهلّي لـقـيتــه هاجـسٍ معنى رحيله
عجـايب كـل هالدنيـا عجـايــب دمـوع وحــزن ومفارق حبايـب
تسلّي خـاطـر المحبـوب لحظـــة ويرجـع عــاشق الأحلام خـايـب
يروح العاشق المجـروح يبــكــي ويشكي وقت في طبعــه مخـادع
صحيح الحب فـي الدنيـا ولكـن يعيـب الوقت فـي حبه مخـادع
كلمات : ( العاشق )
ألحـان : ( سمير مبروك )
يا ظاميــــة ( 29 )
يا ظامية يبس شفايفك العطش .. غير ملامحك الوله ..
وانتي وأنا شمس وقمر .. ما نلتـقي لو نحتظـر .. يا ظاميــة
أشتاق لك وانتي بعيد .. ويزيد حبـي لك يزيد .. يا ظاميــة
أموت بعيونـك أموت .. والحب يغنيه السكــوت
إلى متى بسكت .. وإلى متى بـبـكــي
يا ليت أدري قبل أمـوت .. يا ليت أدري قبل أمـوت
ودي أعيش الليـــل .. وأقول أحبك حيـــل
ودي أقول الآااه .. وانتـي معي تبكيـن
يا ظاميـة ببعد .. عزمت أنا ببعد
يا ظاميـة ببعد .. حلفت أنا ببعد
يا ظامية يمكن بعد الهجــر لقيـا
كلمات : ( العاشق )
ألحـان : ( سمير مبروك )
لا لا تهز الراس ( 30 )
لا لا تهـز الراس وتـنـثــر غرتــك عينـي يجرّحـهـا سل لون الخضيــر
لون الذهب صنعـه يقلد صورتـك بس أعجز الصانع شعـاعٍ بـك يثيــر
لا خيـر فـي دنيـا إذا مـا سرّتــك لا خير بأرضٍ ما تـجي تحتك حريــر
الجـرح يا جرحي سبايب نظرتـك والدمع من صـدك وجفني يستجيـر
لو ترحم العاشق وتطفي جمرتـك ولاّ تـفــك قـيـود جنحـانـي وأطيــر
كـم مرةٍ روحي بالـقـلـب طرتـك تـحـالفــوا يوفـون لك حق العشيــر
كلمات : ( العاشق )
ألحـان : ( خالد البراك )
فـزّوا لـهــا ( 31 )
فـزوا لـهـا لين أقبلت فـزوا لـهـا .. حبيبتـي فـي حسنها من مثلها ..
ليـن أقبلت ريم الفـلا .. في وجهها شاع الحـلى
فـزوا لـهـا حبيبتـي .. ومع فـزّكـم قولوا هلا
فزوا لـهـا حبيبتـي .. فـزوا لها
غنوا لـهـا يا أهل الطرب .. غنوا لـهـا .. خلوا السهر يا أهل الطرب يحـلى لـهـا
خلوا الشعر ليـن انتثـر يرجع لـهـا .. حبيبتـي كل الطرب غني لـهـا
لين اوقفت حبيبتـي .. قولـوا هلا .. بوصـولـهـا تم الفرح بوصولـهـا
واهدوا لها سلام عشق .. اهدوا لـهـا .. من روض نجدٍ والهوى ومعشـوقـهـا
كلمات : ( العاشق )
ألحـان : ( خالد عبد الرحمن )
كنك وكنـي ( 32 )
لا تـحسب إن النـور يـا زيــن منّـي وجهي ترى يعكـس لك النـور منّــك
مثـل القمـر والشمس كنّك وكنّـي أعكس شعاعــك وأسهـر الليـل عنّــك
مدامعـي تشهـد غرامـك سكـنّــي والقـلـب قـبل الروح والعيـن حـنّــك
أنا أعتـرف لك كـل ما بـك فـتـنّـي لو تطلب عيوني حبيبـي يـجـيـنّــك
قـصـيـدتـي تـو اجـبـه القلب فنّـي نظرتك مع ضحكتك كلهم تابع لفنّـك
وعسى الوفى بالحـب ظنّـك وظنّـي وأعيش طـول العمـر في حسن ظنّــك
كلمات : ( العاشق )
ألحـان : ( خالد عبد الرحمن )
من يسدّ يمـكانـه ( 33 )
قرب الرحيل وخاطري منك ما طـاب يا واحدٍ عنـدك حياتـي رهـانــــه
تـدري بعلـه واحـدٍ منـك منصــــاب اللي بقلبه لك .. يقوله لسـانــــه
بك طيب لو ما حط بك زين الأطيـاب يا غصـن بان ناعــمٍ بـه ليـانـــــه
يا ليتـهم سمّـوك يـا زيـن معـطـاب حيث ان حبك بالضماير مكانـــه
كلٍ عذلني فيــك عــدوان وأصحــاب وأقــول خلونـي وكـلٍ وشانـــــه
وان قيـل وإلا بـدّل أحبـاب بأحبـــاب قلـت آه .. لكن من يسد بمكانـــه
كلمات : ( الأمير: عبد الله الفيصل )
ألحان : ( خالد عبد الرحمن )
سمــرت ( 34 )
سمرت بصحبة حروف القوافـي أحمّلهـــــا تناهيــــدٍ خـوافــــي
أشكّـل بالحـروف ألـوان صــورة أحـرّكها مــن المعنــى بـصافـــي
أشيل الحرف من معنى لمعنى وأداري ما ظهـر وأظهــر بخافــي
وإلا منـي عطيت الحــرف وردة بـها حرفـي على النجمات طافـي
يقـوّم كـل نجــمٍ مـن منـامــه أنـا ما نيـب أسامـر نجــم غافــي
يجينـي كل نجــمٍ منــه معنى ولا قـــد قـلـت للنـجمـات كافــي
تصورنـي دمـــوعٍ وابتسامــــه مـن عيــونٍ تقصـوت ما تشافــي
ألا يا نجـــم يا عــادي تبصّـــــر شـف بعـين المحبــة عيـن وافـــي
وخبـرني عـن علـومـه وحالـــه عـسى قلبـه مــع الأشواق دافــئ
وخبّر صاحبـي عن حـال خلّـــه تـرى يمشي على الأشواك حافـي
ولو ممشاي فـي جمـرٍ يفيـــده مشـيـت بجمرهــا كنّــه عوافــي
ولكـن وش يفيـده لـو ذبحنــي ومـن يوصـف جماله عقـب قافــي
كلمات : ( خالد الفيصل )
ألحان : ( مساعد العيسى )
دقات قلبـي ( 35 )
دقات قلبي .. من عناي عابثت بــي تــزود بيــن الثانيـــة والدقيقــــة
راحت بي أفكاري بعيدٍ وجــت بـي وأهداب عينـي في دموعـي غريقــة
أكتـب وتقرأ ريشـة العــود كتبــي شعري سلس ينساب على السليقـة
مشاعري يا شوق .. يمّك جرت بــي من مرهـف إحساسي بيوتٍ رقيقـة
أحنّ وأشواق الغــرام اعصفت بــي وقلبـي فراقـك .. ساعـةٍ ما يطيقــه
محبتك يا روح روحي .. سطـت بـي والدمـع في عيني من أجلك ذريقــه
كلمات : ( غيوض )
ألحان : ( خالد عبد الرحمن )
سلمولي ( 36 )
سلمـولي على الغالي سلامٍ كـثيــــر وأخبروه إني أسهـر لين يبدأ الصبـاح
دمعة العين عقبـه بالمحـاجـر تـحيــــر ما تـجـيـه عيوني كود عند الـمــراح
ليت لي يا هوا بالي جنـاحٍ وأطـيـــر البلى إني عليـك أكلـف بليّـا جـنــاح
حارب النوم عينـي ما يطب النظيــر من سبايب غرامك جوهر العقـل راح
شالك الزين عيني يوم مالك حـشيــر واللـه اللي بـلانـي بـك بـليّـا صــلاح
كنّ وجهك قمر خمسة عشر مستديــر بيـت منـه بلـغ بـك غايته واستــراح
صدّ عنـي ترى عينك سهمها خطيـر ما خبرت أحــد قبـلك عيـونـه رمــاح
مثلما كنت بأقدامك تدوس الحريـــر أنت يا زين بأقدامك تــدوس الـمـلاح
كلمات : ( الأمير : سعود بن محمد )
ألحان : ( خالد عبد الرحمن )
صمت البـوح ( 37 )
منك وعليـك الهـم من ويـن مـا أروح يمشي معي يا شاغلي مثل ظـلّــي
أنا حـيـاتـي بـالـهـوى كـلـهــا نــوح
أشـرب ظـنـونـي هـمّ وأقول علّــي
أغـلـى الـجروح اللي بها منك مجروح اللـــه يـا حبـي لـجــرح التـغـلّــي
لي فـي عذاب الحب رحمـة ومصلـوح عـذابـك أرحـم مـن نعيــمٍ مولــي
حبـك عــذاب الـروح ويونّـس الــروح مستوليٍ حبـك عـلى كــل كــلّــي
أصمت ويظهر منـك في صمتي البوح ملامـحي منها جليسي فـطن لــي
كلمات : ( السامر )
ألحان : ( خالد عبد الرحمن )
فـي غربتـي ( 38 )
فـي غربتي تغـرّب النور عن عينـي وش حاجتي في نـور عينٍ غاب غاليهــا
عمر السفر يا نظر عيني قضى فيني نفسي على ما تعاف أمر الله حاديهــا
يمّك حبيبـي عظيم الشوق يدعيني يسري بعروقي كما تسري الدما فيها
عـلي خطـرها حياتي يا معـنّينــي بعدك عطبها وشوفـك حيل يشفيهــا
أخاوي الليل وهاجس ليلي يخاويني يمّك سرابي داعي الذكـرى بحالـيهــا
أقضي بدنيا لعيني شـوف رمشيني إلا متى عينـي على شوفـك تمنيّهــا
كلمات : ( مخاوي الليل )
ألحان : ( خالد عبد الرحمن )
ليـل التجــافـي ( 39 )
آاه .. من ليل التجافـي ما أطولــه ليلـــة العاشـق ثوانيهـا ليــال
مـن يقــول الشمس باكـر مقبلـــه كـل شمسٍ مالهـا وجهك ظـلال
أسألك باللي أخــذ منــك الولــــه حطّـه بصدري وأعـطاك الجمـال
حاكـنـي لأجــل الليـالـي الأوّلــــه آاه .. أنا بموت من ذلّ السـؤال
هو صحيح إنّك حبيبـي اللي بـداه واستوى عنده فراقي والوصال
كـل جـرحٍ غيـر جرحــك بأقبـلــــه كـل ظلـمٍ غير ظلمك لي عـدال
كلمات : ( الأمير : بدر بن عبد المحسن )
ألحـان : ( خالد عبد الرحمن )
تذكــــــــــــــــار ( 40 )
تذكــار عـيـشـي علــى التـذكـــــــار وإن كــان يـحـصـل لـك تناسيهــــا
بفـراق تالـي انتـهــت الأخـبــــــــار عشـرة حيـاتـي اليـوم ماضـيـهـــا
لا تـحـسـبـي سـرّك مـن الأســـــــرار اللي علــى الـجـنسيـن تفشيهـــــا
منــك الـخـطايـا انتـهـت بأعــــــذار وعيــونــك النـكــران معميهــــــا
قلبــك مـن أحداث الـفـشـل محتـــار تستـخـسـري خطـــوة مشيتيهــــا
مـا يـهـتـنـي منـه غريــب الـــــدار مثــلـك غريـبـــة وسـط أهاليهــــا
وأنـا اللي فينـي مـن الجـروح كثـــار لا أنتـــي ولا غـيـــرك يداويـهـــــا
اللــه حسيبـك كيـف قـلبــك صــــار بـــاع المحبـــة وأشتـــرى فيـهـــــا
صرنـا علـى هــاذي السـوايـا كبــــار قبــلك عـــذارى مـا مشــوا فيهـــا
هل هي عطش هل هي تسالي صغـار هــاذي الســوايا مــن يسوّيـهـــــا
كلمات : ( مخاوي الليل )
ألحـان : ( خالد عبد الرحمن )
يــا عـذابـــــي ( 41 )
يا عذابي .. كيف أنا بأقوى عذابك .. لا صار فـي بعـدك عذابـي .. وفـي قربك عذابـي
يا شبابـي .. زيـنــة أيامي شبابـك .. يكفي حياتـي حسابـك ..ونسيانـك حسابـي
ما تصدق لـو أقـول أنك حياتي فـي كل شئ .. سمعـي وشوفـي أنت .. دمي وإحساسـي
باسم الهـوى لازلت .. فـكـري وهوجـاسي .. وتدري عـلي بعـدك عذابـي .. وفـي قربـك عذابـي
يـا حـب .. مالي فيــك غـيــر الشقـا .. يــا حب .. أخـذ مـن حياتي ما بقـى
عشتـه بإحساسي ولا به شـيء .. يبـدّل شعـوري .. حبـك جـرى بدمـي وذاب
كلمات : ( مخاوي الليل )
الحان : ( خالد عبد الرحمن )
ودي تشـوف الهـم ( 42 )
ودي تشوف الهم وشلون ســـوّى بحـال من حبك على غيـر مصلــــوح
جرحتنـي جـرحٍ جديـدٍ تلـــــوى على خفـوقٍ منـك بالحيـل مـجــروح
سويت فينـي شئ مـا ينتســوى وأقـول يا سيــد المماليــح مسمــوح
ليتـــك بـزلاتـك عـليّـا تـــــروى يـوم أن حبي لـك مـن الـروح للـروح
أن كان حبـل وصالنـا ما تقــــوّى فالله يعين عيون " سامر" عـلى النوح
لا يا بعـد من جابـوا آدم وحـــواء خطاك مهما صـار منسي ومدمــوح
كلمات : ( السامر )
ألحان : ( صالح الشهري )
العــــــطـا ( 43 )
العطا .. ما تبادلنا العطا .. والخطا .. لا حشى ما أخطي عليك
إيه سطا .. جرحك بإحساسي سطا .. يا عطا .. أول عطا منك الخطا
أحبك لو تجافينـي .. على كل الخطا مسامح .. أحبك يا نظر عينـي ورضاك ألـزم
ولكني فقـيــر الحــظ
أنا لك أكثـري تـجـريـح تـرى حبـك .. بـيـشـفـع لـك .. أحبــك
ذوّب خـفـوقـي الشـوق .. وأنتـي معي يا شوق .. يا أحـلى الحياء والذوق
طعم السعادة غيـــر
لك خفوقي اشتقى ثم اهتنا بك .. وفـي عروقي دمي الجاري اغتـذى بـك
ولاح شوقي فـي سما كل البشر .. غير زولك ما ملأ أحد النظــر
جدّدي فينـي حياتـي باللقــا
كلمات : ( مخاوي الليل )
ألحان : ( خالد عبد الرحمن )
هـاتـيــــهـا ( 44 )
هاتيها .. روحي خذيتيها .. يا مايقـة بالزيـن
لـمـتـيـها .. يـومٍ مـلـكـتـيـها كـل الـمـلأ داريـن
قـاريـهـا .. من سيرة العشـاق .. إنتـي وأنا اثنيـن
يا فيها .. شهـد العسل والزين .. مياسة وتـدريـن
يا أحلى قصيدي .. من غيرك بعد .. يا حبي الحقيقي .. يا عز الطلب
تمكّن وريدي .. وبالقـلـب انـكـتـب .. اسمك أنت سيدي .. وأنت اللي أحب
ينتشي من يسمع أبيات الغرام .. ما يجر الآااه من قلبه خـلـي
عمري اللي به غدا حبك وسام .. حبي اللي قام يوم صرت لـي
كلمات : ( خالد المجاهد )
ألحان : ( خالد عبد الرحمن )
آمر تـــــــدلّل ( 45 )
حبـي لك أكبـر من جميـع التواصيــف حبـي لك أكـبـــر مــن كـلامٍ يــقــــالِ
غـلاي لـك صـافـي ولا فـيــه تـزيـيـــف أصـفـى مـن الـمـي الـقـــري الــــزلالِ
الحـب ما بـيـن القـلـوب الـمــوالـيــف سـعــادةٍ مـا بـيــن غـالـــي وغــالـــي
إن غبت جابك في حلـى نومي الطيــف وإن شفـت زولـك كـل شـيءٍ صفـا لـــي
من غيــرك الأيـام يا صاحبـي صـيـــف إنت الربـيـــع اللي بـنـبـتــه زهــــال
دايم وأنا أمشي لك حبيبي على الكيف آمـــــــر تــــدلل لـك عـلـيّ الـــــدلال
كلمات : ( غيوض )
ألحان : ( خالد عبد الرحمن )
يـا مهاجــرة ( 46 )
يا مهـاجرة باحسـاس .. أغـلى من الــروح ..
ودعـتـهـا ذكــراك .. على أمـل لـقـيــاك..
وعـشـقـتـهــا ديـرة .. ديـرة .. يـومٍ وطتـها خـطاك
وجـدي على نظـرة .. يا مهـاجرة باحسـاس ..
أشـري بها عمـري .. وأنسى حديث النـاس
يوم إنّـك أقفـيتـي .. من فـي الهـوى لايم .. أقدر أطيع أمـره
منـي رسالـة حــرف .. شوقــي لهـا معنـى ..
دنيـاي أنا صــورة .. وجهــك ملامحهـا
ولازلت أبحكـي لك .. يا مبعـدة عنـي ..
ومناي أنا أحكي لك .. يا مبعدة عنـي
بشوقـي أسولف لك .. بشوقـي أسولف لك ..
أدري حياتي هم .. تعبت أبا أوصل لك ..
وهمي تراه انتـي .. يا مهـاجرة باحسـاس
يا مهـاجرة غبتـي وأخذتينـي رقيق احسـاس
والروح فـي وصفك لا ما تعرف اليأس
عشتك معاي أيام .. يا كل تفكيري
ليلة قمرها انتـي .. ليلة قمرها انتـي
كلمات : ( مخاوي الليل )
ألحان : ( خالد عبد الرحمن )
مـن نشـدنـي ( 47 )
ودّي أشبـع منك شوف وما حصل لي كـل ما ناظرتنـي ضاعـت عـلومـي
فـي عـيـــونـك للغــلا حــبٍ يهـلـي ناظـر لحبـك عـلى خـدي وسـومـي
طحت فـي حب العيـون السـود كلـي ومن عثر في رمش عينك ما يقومي
خدرةٍ تشرب ظما حسنـك الفضا اللي كـنها فـي صحـوةٍ من عقب نومـي
إنشــرح صـدري بشـوفـك واسفهـلّـي خـافـقٍ ماله عـلى وصـلك سلومـي
من نشدنـي قلـت أنا مجـروح خـلّــي فـي حيـاةٍ للـخــلايق مـا تــــــدومِ
كلمات : ( السامر )
ألحان : ( خالد عبد الرحمن )
بأنســـــــــاك ( 48 )
بأنساك لأني لك .. ألبس ملبس النسيان
ما أبغاك لأني الآن .. أرفض عيشة الحرمان
ما أبغاك يكفينـي تـعــب .. ما أبغاك لو إنك ذهـب
كـانـك قـدرت تجمـع سنينـي اللي مضت ..
كـانـك قـدرت تسقيهـا روحي اللي ضمت
حتى لو إنك قـدرت .. حتى لو إنك قـدرت
لا تطري الرجعــة عـلى لسانك أبـد
وما أظن لي قـلـبٍ بـيـرقـص لك طـرب
ولا عاد لي نفسٍ تناديلك مـحــب
حبك رماد .. حبك رماد .. حبك ذرى ذاك المـهـب
حبك رميتـه واتبعـه .. حبك طويتـه وانـتـهـى
بأودعك على أمل أنساك .. ويا ليتنـي صدفة أبد ما ألقاك
بأنساك وأنسى ما مضى .. وبشـوف بعيونـي الفــرح
بأنسى الندم وجرح الهوى .. عـلّـه يطيب قلب انـجــرح
ثغري لقى الضحكـة ونيـس .. من قلبـي علمنـي الصبـر
حاضـر حياتي لك يقيس .. كيـف أكثـر بالغـدر
كلمات : ( شيمه )
ألحان : ( خالد عبد الرحمن )
بادلـي قلبـي ( 49 )
صدقينـي لـو أبيّـن لك غـــــلاك ما تصدق اذنك اللي تسمعـــه
طـال عمـري أو قصـر محدٍ سـواك يفرح بشـوقٍ فـؤادي يـجمعـــه
بادلي قـلـبـي شعـوره في هـواك حسّـسيـه إنك معه يا مطمعــه
ما اعتقـــد إن فيـه بالدنيا مـلاك تشبـه لزولك تـصـور بأجمعـــه
حــار تفـكـيــر المـولـع في رضــاك مستريـح البال لا صرتـي معـه
من سبب صدّك معرض للهـلاك ناجي دمـوعٍ عيونـي تدمعـــه
كلمات : ( مجازف )
ألحان : ( خالد عبدالرحمن )
خبّـــــــــروه ( 50 )
خـبـروه إني على وصله حييــت وإن تفـارقـنـا تـرى مـوتــي دنــا
لي حبيـبٍ يـوم روّح ما سلـيــت يعـلـم الله تـوي ما ذقـت العـنــا
عبـرتـي هلّيتهـا حـزن وبكيـــت يا ردى عمـر الحسـوفــه ما جـنــا
ذقت من دنيا حبيبي وما ارتويت جـنـة الدنيـا حبيبـي والـمـنـى
عشت بأحلام الهوى ليل وبنيـت كـل آمالـي تـداركــهـا الفــنـــى
في حياتي ما ذكرت إني شكيــت فـي هـوانا ضـحـكـت الدنيا لنــا
لا حيـاةٍ عـقـب محبـوبـي رأيــت والممات أرحــم ولا فرقى السـنــا
هو سنا شمسـي وغيره ما هقيت يفرح بوصلي ولـو مـوتــــه دنــا
كلمات : ( مخاوي الليل )
ألحان : ( خالد عبدالرحمن )
علمتنـي حبــك ( 51 )
وشلون مغليك .. وأنت الذي علمتني حبك
يا هاجسي .. عشقي لعيونك
اسأل وتقرأ الجواب .. فـي نظـرة عيونــي
تصوير لأجمل عذاب .. حبـك يا مفتونــي
وشلـون مغليك
تـلـقـى حياتي كـلـهـا لـذة غـرام .. لـذة غـرام
مهما سهر طرفـي .. أو جارت ظروفـي .. أو عشت أنا الحرمان
تلقى حياتي كـلـها .. لـذة غـرام
يا .. يا عـذب الصفات .. يا كـل الحيـاة
صبـرك عـلي هـذا قليـل .. مهما تـرى من تضحيـات
هذا قليـــــــــــــــــــل
خل السهر لعيون من حبّك .. خل العيون اللي لها عشقي تبات
كلمات : ( مخاوي الليل )
ألحان : ( خالد عبدالرحمن )
الصـــــــــــدّ ( 52 )
والله لأجـازي راعـي الصـد بالصـد وأصـد عـنه وكـنـه ماهـو بموجــود
أول معـه أمشي إلى أبعـد الـحـد وأعطيه وفا وإخلاص ماهو بمحــدود
لكن لـقـيـتــه ما يبادلنـي الــود يـجـزي العطا مني بنكران وجــحود
بابٍ فتـح بهمـوم واليـوم ينــرد ما فـي بقايا الأمس يا وقت لـي زود
وقفت فـي وجه الهوى وقفة النـد أبـقـى وعـز النفــس ماهو بمفقــود
ظويت حلمٍ فات فـي راحة اليــد تــرك دربٍ كـان مـفـروش بـــورود
درسٍ وعاه القلب من صفعة الخد
العـذر ماهو بــس بأيامنـا الســـود
كلمات : ( أثيل )
ألحان : ( خالد عبدالرحمن )
مـن الفرحـــــــة ( 53 )
من الفرحـة نسيت إني عليك البارحة زعــلان نسيــت أقــول لـو تـسمــح تـكـرّم لا تكـلمنـي
أهلّي بك مثل ما انت تهلّي بي وأنا الشفقـان أحسـب إني أنا الغلـطان وفرصتـك ما تعلمنـي
ذكرت انك عليّ أخطيت ولكن نعمة النسـيان تنسّينـي خـطأ الغـالـي وتـرجــع لـه تسلمنـي
حبيبـي ما تمكّـن داخــل فـؤادي ولا انـســان ألومك يومك انت أخطيت وإذا أخطـيت أنا لمني
حبيبـي لـو يطـول الوقت أو يقـصـر أبد خلان تراك انت الوحيـد اللي يشتـتـنـي ويلملمنـي
حبيبـي دايمٍ قلبـي معك مشتاق لك ولهــان غـيـابك عـن عيـوني يطـول بهالمـدة يألّـمـنــي
كلمات : ( مجازف )
ألحان : ( خالد عبدالرحمن )
حالـمــــــــه ( 54 )
حالـمـه وأبعـاد تفكيرك خيــال في هجيـر الشمس ما تلقيـن فيّ
يـوم عشتي من حناني في دلال تحسبيـن أنك ملكتـي كـل حي
لـو تندّمتـي وناديتـي تعـــال ما تغير صرخـة احساسك عـلي
كيف وانتي للـكبر صرتي مثال وانطويتي في دنيتي أحلام طـيّ
غـرّك احساسي وتـحقيق المحـال لا بغيتـي شئ خذتـي كل شئ
الغـرور يحـطـم جسور الوصـال يعمي عيونك ترى عن كل ظي
الغـلا لـه حـد يا بنـت الـحـلال خـفّفي من كبرك الزايد شــوي
كلمات : ( فهد السحاري )
ألحان : ( مساعد العيسى )
بينـك وبـيـنـي ( 55 )
بلا مـيـعـــاد يا ظـامـيــه افــــراق إنتـي السبب في اللي حصل صدقيني
هذا مـوادع بيـن شـوقٍ ومـشــتـاق تقـوى الهـجــر لا صـرت لا ما تبينـي
مـن دلّعــك تسليـن بآهـات عشّـاق ويـن انت في وقتٍ مضى ترتـجـيـنـي
فـي ضحكتـي آلام وأحزان وأشـواق مأسـاة حـبـي قـولـتـي صــارحينـي
اللـه أقـوى للنـدم صـرت مِـنسـاق وش فايـدة دقــات قـلبـي تـجـيـنــي
فكري وروحي لأجل حبك بها احراق ماتـت حـروف الحب دومك ضنينـي
خـذ ما تبي اخذ الصور وخذ الأوراق واترك بقـايـا جــروح بـيـنـك وبينـي
بنسـاك أنا ولـو بكيـت من الأعماق بس الـزمن يصـرخ يقـول اذكـريـنـي
كلمات : ( عبد الله البقمي )
ألحان : ( خالد عبدالرحمن )
حبيــــب الأمـــــس ( 56 )
كتبت الحرف لأجل أنسى هموم البارحة واليوم لقيت الـهـمّ فـي حرفـي تربّـع يـوم خـطّـيتــه
يقـولـون الملأ ظـالـم وأنا بلـسانـهـم مـظـلـــوم وأنا المشــتـاق والموعـــد علـى بالي تنـاسـيـتــه
رسمـت أحـلـى معاناتي ونوحاتي سما وغيــوم ولـيــلٍ طالــت دروبـــه ولـكـنــي تـحــدّيتــــه
وقلبٍ ما شكـى الفرقـا وعيـنٍ تشتكـي للـنـــوم إذا كــان العــمــر جـيّــه عـز اللــه ما جـيتـــه
مشاويره وهـرج الليل وباقي من الخفايا عـلــوم كثيـر أسـباب خلتنـي غـريب الـحـب في بيتــه
حبيب الأمس اذكرنـي أنا بفكـرك بقـايا حـلــوم نسـيت أذكـر لـيالـينا وطيـر الشـوق هـدّيـتــه
أحـبـك يا شقا باكـر أحـبـك يا فــرح هـ اليـــوم كتبت الحرف لأجل أنسى ولا أدري كيف خطّيتـه
كلمات : ( محمد العجمي )
ألحان : ( خالد عبد الرحمن )
شـــــــــدّوا ( 57 )
شـدوا يمتهـم جنـوبٍ عـن الديــرة وأقفـوا وأنا قلبـي من الهم مرضانـي
أقـفـت مراكبـهم ألا ياللـه الخيــره وعيني تفيض الدمع من افراق خلاني
واليوم طاح الحـظ على الله تدبيـره قم لاعدمتـك حـظ يكفينـي ما جـاني
قلبـي فقـد ربعه فقدهم مساهيـره لاعـاد عينـي تـشـوف خـلانـها ثـانـي
ياليت لي قلبٍ سطيٍّ على الشيـره ودي أطـيـع الشـور والقـلـب عصانـي
هذا حبيبـي ظي قلبـي وتنـويـره سعـدي لا شفتـه وإلا أقـبلت حـيّانـي
لله تردّه لي وانا أقبـل معـاذيـره ياللــه تـرده لي عـلـى كيـد عدوانـي
عجزت أبألقى من يعوضني بغـيـره
يفــداه كـل الخـلـق قاصـيـه والثانـي
كلمات : ( مخاوي الليل )
ألحـان : ( خالد عبد الرحمن )
صفحـــة جديـــدة ( 58 )
افتـحـي صفـحة جديدة يا مــلاك وانسي اللي فات ونبدأ من جـديـد
دام قلبـي يحـتـرق ما قد نســاك والمشـاعـر فـي هـوى حـبـك تـزيـد
ما كـفـاك إني على درب الهــلاك أنـزف الدمـعـة كما نـزف الـوريــد
من عذابي بس أفكر فـي رضــاك وانتي احساسك عن احساسي بعيـد
وافيٍ صـادق مـعـك أطلـب عـطاك وش بغـيتـي حـب ثانـي ما يـفيـد
كلمات : ( بندر الرشود )
ألحـان : ( خالد عبد الرحمن )
عقــد وســــوار ( 59 )
لا شـاريٍ عـقـد ولا مـهـدي ســــوار لا تـلـحـقـي نفسك هموم وحسايـف
تريّـثي يا قـرة الـعـيـــن مـقـــدار ما تشـرب عروق القـصيد الوصايـف
لامن قدحت الشعر وشبّيت بك نار
نارٍ على رووس الـهـضاب النـوايـف
يطرب لها الساري ويسري بها الطار تزهر بها عـذب النـحـول الشفايـف
قـصيـدةٍ تـولد ورا بـاب وجــــــدار ســر الـضـلـوع المرهفـات النـحايـف
بـهـديـك أنا عمـرٍ ولا كـل الأعـمــار يفنى القلـم قبله وتفنى الصحايـف
غيبـي وشيبي واتركي كل ما صــار يبـقى جمـالك في قـصيـدي طرايـف
خل الكواكب من سنا نـورك تـغــار ولا تـلحـقـي نفسك هموم وحسايف
كلمات : ( بدر بن عبد المحسن )
ألحـان : ( محمد شفيق )
حبـيـبــتـي ( 60 )
حبيبتـي لامن غـديتـي لي سـراجٍ أتـبـعـــه كني غديت من الظما أركض ويطردني الســراب
لا تبخـلـيـن إذا شربتك ما شربتك من سعــه دامي من جروح الهموم الموجعــه كلي صــواب
اليوم مرّتنـي السـواني والفـصـول الأربـعــة اليـوم مرّتنـي الـمـواني والـمـباني والسحـاب
يا بنت في خدك وهج سيل الشموس الساطعة أحــرق بداخـل داخـلـي انسـان ماهـو للتــراب
اليـوم ما كنـي لقيتك مر صوتك ما أسمعــه اليـوم ما كنـي فقدتـك في سـؤال ليل وجــواب
واللي خلق ظلما الليالي في العيون الهاجعــة إني من الحرمـان أتــساءل وحـرماني جــــواب
يـوم الوداع تـخيلـي ما لي حـبيـب أوادعـــه محـروم أنا وتـخيلي محـروم حتى من العــذاب
يا بنت لي قـصـة بـطـولك كلمتيـن موجعــة هـي باختصار إني أنا أركـض ويطردني السـراب
كلمات : ( طلال الرشيد )
ألحـان : ( خالد عبد الرحمن)
لـوعــــتـي ( 61 )
لوعتـي فيـك لوعـه ما لها من مثيـل جـدّد الوقت جرحي بين يومٍ وليـلــة
آآه يا حـظـي جد لي لو بشيءٍ قـليـل ما خبـرتـك كليمٍ ليه ما فيك حيـلــة
حملي اللي أشيله فوق متني ثـقيــل كل ما جيت أحطه عارضتني جميـلــة
ليتـها عـن هـوانا تنـتـحي للبـديــل كود حالك حبيبي يمّ يطلـق سبيـلــه
من غلاك أفتخر بك وأعمل المستحيـل لو أعاني حياتي خلّ يعشـق خليـلــه
ما عـرفت المـذلــة لا ولا أنت ذلـيـــل عزة النفس فينا يا حبيبـي حصيـلــة
سالت دموع عينك وأنا دمعي يسيـل حزني اللي ملكني والليالي طويـلــة
وقتـي اللي طلبته مَنّ وأثره بـخـيـل شحّ وقتـي وقـصّـر ما عـطاني قليلــه
كلمات : ( مخاوي الليل )
ألحـان : ( خالد عبد الرحمن )
زلّيـــــــت ( 62 )
زليت وابن آدم معرض للخطا .. زليت وبحالة غضب جرحي سطا
استسمحك وأقرأ بعيونك لي عتب .. وش في يدي أعفيك عن هذا الغضب .. ليه العجب ؟
أنا بشر أخطي وسبحان اللي كامل بالعطا .. زليت
قبل الوداع .. وآخر وداع .. إسمع كلامي وافهمه
قبل الوداع .. وآخر وداع .. راجع سطور الناس بعمر الزمن
من فينا ما داس الخطا .. من فينا ؟؟
من فينا كامل بالعطا .. من فينا ؟؟
أنا بشر أخطي وسبحان اللي كامل بالعطا .. زليت
إصبر علي .. إصبر علي .. وادمح خطاي
إصبر علي .. إصبر علي .. وإن ما قوى صبرك رضاي
أنا بهواي مجروح من يصبر علي
هجرك ألم .. أقولها وأقسم قسم
متى الظفر .. يطلع يا عمري من اللحم
أنا بشر أخطي وسبحان اللي كامل بالعطا .. زليـــــت
كلمات : ( محمد الخضيري )
لحـان : ( سمير مبروك )
لوعـــة المغـــــرم ( 63 )
أعـالج لـوعة المغــرم
موضوع: بعض كـــلمـــآت الفنان مخــاوي الــلــيـل 
الثلاثاء أغسطس 30, 2011 6:42 am
