انا خاين... وادورعيون ماتعرف تخون... من قصائد عبدالله علوش.

على متن السحاب ((ارقى)) ولو ماللسحاب متون
وانزل في الغلا وحتى لو ماللغلا ديرة



ولا اشبه حد بليلى وانا المشتاق المجنون
ولا شيمه ولا وافي ولا عنتر ولا غيره



ولو اني بعبر عن خيالي كان سقت فنون
يروح الليل كله ماخلصنا من تفاسيره



على الهقوات اسج الرجل عمري كل ابوه ظنون
ولا حولي صفا نيه ولا انا ادري وش الخيره



الا من رحت يامزيون يجيب الله لي مزيون
ولا تسوى عتب قلبي ولا راسي وتفكيره



ولا اقول انتي (الطعنه) وانا المغدور والمطعون
ولا عانيت من صدك ولا الحرمان والحيره



اسلي نفسي بغيرك مادام الناس مايدرون
ولا ابينلهم لوعه ولا ابينلهم غيره



انا خاين وادورلي عيون ماتعرف تخون
تسلي خاطرن ماشاف منك كود تكسيره



(انا ماقدر اعيش) العمر كله في غرام عيون
تدور للوفا والوقت شره غالبن خيره



انا البياع والشاري وراس المال والعربون
ولد؟؟؟ انتي محطه شوق في سكة مشاويره



اموووووت من القهر لاشفت (خبلان) الهوا يبكون
ضعيف النفس لا منك عذلت بان تقصيره



ابي صوتن لا مني خنقته قال لي تمون
وابي قلبن لا من طاب جرحه قال لي خيره



بدال الحب ابي (شغله)... ومن مليار ابي..... (مليون)
وابي لا من خلصت منك القى لذنبي فيك تكفيره